गोरखा-आँबुखैरेनी सडकको शंकास्पद वस्तु निस्क्रिय पारियो, कुकरभित्र सिसा, बारुद र लाइटर
१६ भदौ, गोरखा । गोरखा-आँबुखैरेनी सडकखण्डअन्तर्गत गोरखा नगरपालिका-८ स्थित कट्टेलचोकमा फेला परेको शंकास्पद वस्तु निस्क्रिय पारिएको छ ।
नेपाली सेनाको बम डिस्पोजल टोलीले उक्त शंककास्पद वस्तु निस्क्रिय पारेको हो । टेप बाँधेर राखेको अवस्थामा मुख्य सडकमा फेला परेको कुकरभित्र सिसाका टुक्रा, बारुद र लाइटर भेटिएको रिपुमर्दन गणका गणपति हेमराज बिष्टले जानकारी दिए ।
शंकास्पद वस्तु निस्क्रिय पारिएसँगै अहिले सडक सञ्चालनमा आएको छ ।
आज बिहानै ‘मर्निङ वाक’ गएका स्थानीयले शंकास्पद वस्तु फेला परेको भन्दै प्रहरीलाई खबर गरेका थिए ।
